АҚШ Президенти Дональд Трампнинг даволовчи шифокори Америка раҳбарида коронавирус йўқлиги ҳақида маълум қилди. Бу ҳақда Оқ уйга таяниб, Reuters хабар бермоқда.
«Кеча мен президент билан COVID-19 текширувидан ўтказишни батафсил муҳокама қилганимдан сўнг, у текширувдан ўтишга қарор қилди» деди Конли.
У таҳлил натижалари салбий эканлигини қўшимча қилди. Шифокор Бразилия делегацияси билан суҳбатдан бир ҳафта ўтгач, Трампда касаллик белгилари йўқлигини таъкидлади.
Аввалроқ, коронавирус Бразилия элчиси Нестор Фостерда аниқланган эди. У Трамп билан учрашувда иштирок этган Бразилия делегациясининг учинчи аъзоси эди.
2019 йил 31 декабрь куни Хитой ҳукумати Ухань шаҳрида пневмония тарқалишини эълон қилган эди. Касалликнинг қўзғатувчиси – бу COVID-19 расмий номи берилган коронавируснинг янги туридир. 11 март куни Жаҳон соғлиқни сақлаш ташкилоти (ЖССТ) янги коронавирус пандемияси тарқалган ҳақида эълон қилди.