АҚШ президенти Дональд Трамп июнь ойининг охирида Вашингтонда бўлиб ўтиши кутилаётган G7 саммитини кейинга қолдиргани ҳақида маълум қилди.
Шунингдек, Трамп ушбу кенгашга яна тўртта мамлакат – Австралия, Россия, Жанубий Корея ва Ҳиндистонни таклиф қилишини ҳам айтиб ўтган.
Дональд Трампнинг айтишича, ҳозирги “Катта еттилик” саммитида қатнашаётган давлатлар таркиби анча “эскирган” ва ҳозирги талабга жавоб бермайди.
“Мен ушбу саммитни кейинга қолдиряпман. Чунки, мен ҳозирги G7 давлатлари дунёдаги бўлаётган ҳодисаларни қамраб олади, деб ҳисобламайман” дейди АҚШ президенти.
Ҳозирги кунда “Катта еттилик” давлатларига АҚШ, Канада, Италия, Япония, Франция, Буюк Британия, Германия давлатлари ва Европа Иттифоқи киради.
Uzbek