Жума куни Европа Иттифоқининг миграция бўйича юқори лавозимли расмийси блокдаги олтита мамлакат “Океан Викинг” қутқарув кемасидан муҳожирларни қабул қилишини айтди, дея хабар бермоқда Reuters агентлиги.
“Океан Викинг кемасида бўлганлар учун eчим топилганидан ва барчаси қайтадан жойлаштирилишидан хурсандмиз», деди миграция бўйича комиссар Димитрис Аврамопулос Тwitterда Малтани кемага тўхташга ва бортдаги одамларнинг тушишига рухсат бергани учун мақтаб.
Франция, Германия, Руминия, Люксембург, Португалия ва Ирландия муҳожирларни қабул қилишга рози бўлди.
Uzbek