Американинг SpaceX компаниясининг Starship космик кемаси олти ой ичида орбитага чиқиши мумкин, деди компания асосчиси Илон Мaск Техаснинг Бока Чика минтақасидаги SpaceX учириш комплексидаги тақдимот маросимида. Ушбу тадбир 2008 йилда бўлиб ўтган SpaceX Falcon-1 учириш мосламаси томонидан қурилган орбитага биринчи марта туширилган юкнинг юбилейига бағишланган эди.
«Бу аҳмоқона туюлиши мумкин, лекин мен олти ойдан камроқ вақт ичида орбитага чиқишни хоҳлаймиз», деди Маск.
SpaceX раҳбари кеманинг 20 км баландликка биринчи синов парвози бир-икки ой ичида амалга ошишини тасдиқлади. У ўз нутқида яна бир бор ракетанинг хусусиятларини батафсил баён қилди. Прототип қотишма пўлатдан ясалган, узунлиги 50 метр, диаметри 9 метр ва кўтариш қобилияти 150 тоннани ташкил қилади.
Starship бу Марсга учадиган ва 100 кишига мўлжалланган қайта ишлатиладиган космик кемадир. Маск илгари бир неча бор таъкидлаганидек, SpaceX’ни 2002 йилда инсониятга Марсни эгаллашга ёрдам бериш мақсадида ташкил қилган.
Август ойида Илон Маск Starhopper прототипининг муваффақиятли синовини эълон қилди, синов давомида Starship’ни қуриш учун зарур бўлган муҳандислик ечимлари синовдан ўтказилди.
Uzbek