АҚШ президенти Дональд Трамп ўтган ҳафтада коронавирусга чалинган ва касалхонага ётқизилганди. У бир неча кун аввал касалхонадан чиқиб, президентлик фаолиятини давом эттиришни бошлаганди. Шу ҳафта охирида Трампнинг оммавий тадбирларга қайтиши кутилмоқда.
“Шанба куни Трампга коронавирус ташхиси қўйилганига 10 кун бўлади. Мен шифокорлар жамоасининг олиб бораётган ишидан келиб чиқиб шуни айтишим мумкинки, президент шанбадан бошлаб оммавий тадбирларга қатнашишга тайёр бўлади” дейди Оқ Уйнинг шифокори Шўн Конли.
Конлининг берган баёнотига кўра, Трамп Оқ Уйга қайтганидан бери унинг соғлиги барқарор бўлиб келмоқда ва унда коронавируснинг кучайиши аломатлари кўринмаяпти. Шунингдек, Конли Трампга дорилар “жуда яхши” таъсир кўрсатганини, унда акс таъсирлар кузазилмаганини таъкидлаган.
2 октябрда АҚШ президенти Дональд Трамп ва унинг рафиқаси Мелания Трампнинг коронавирусга чалингани аниқланди. Шундан кейин улар зудлик билан касалхонага ётқизилишган.
Uzbek