АҚШ ва Туркия чоршанба куни НАТОнинг штаб-квартирасида бўлиб ўтган музокараларда Анқара Россиянинг ҳаво мудофааси тизимини сотиб олиш режалари ҳақида катта келишмовчиликни ҳал қилиш йўлида ҳеч қандай прогрессга эриша олмади. Бу хақда Reuters агентлиги хабар бермоқда.
Қўшма Штатлар таъкидлашича, «Туркиянинг Россиядан С-400 ҳаво мудофааси тизимларини сотиб олиши, Lockheed Martin Corp’s F-35 яширин қирувчи самалётлари учун таҳдид солмоқда». Вашингтоннинг айтишича, Анқарани F-35 дастуридан чиқариб ташлаш жараёни бошланган, шунингдек, АҚШда туркиялик учувчиларни илғор, махфий самолётларга тайёрлашни тўхтатади.
АҚШ мудофаа вазири Марк Эспер, Туркиялик ҳамкасби Ҳулуси Оқарни, чоршанба куни ёпиқ эшиклардаги музокараларда, Туркиянинг қилажак ҳариди иқтисодий таъсирга эга бўлиши мумкинлиги хақида огоҳлантирди.
«Котиб яна бир бор Туркияни С-400 ва Ғ-35 га эга бўлмайди, деб қатъий таъкидлади. Агар улар С-400 ни қабул қилсалар, нафақат Ғ-35 дастури ҳақида, балки уларнинг иқтисодий аҳволини ҳам ҳисобга олишлари керак», деди расмий.
Туркия Ғ-35 дастурининг ҳавфи борасида АҚШнинг ташвишларини инкор этди ва С-400ни сотиб олишдан воз кечмаслигини таъкидлади. Қўшма Штатлар унинг ўрнига Raytheon Co томонидан ишлаб чиқарилган Патриот ракеталари билан таъминлашни таклиф қилди.
Туркиянинг ўз позициясини ҳар қандай тарзда ўзгартирганми ёки йўқлигини сўраган расмий шундай деди: «Ҳеч қандай кутилмаган ҳодисалар бўлмаган, лекин вазир ва котиб бир-бирини аниқ тушунгандай эди.»
Россиянинг «Рособоронэкспорт» ширкати раҳбари Александр Михаев сешанба куни Россиянинг С-400 русумли ракеталарини биринчи марта июль ойида Туркияга етказиб беришини айтди.
Масалага Туркия президенти Тоййиб Эрдўған ва АҚШ президенти Дональд Трамп ўртасида бўлиб ўтадиган G20 саммитида кутилган учрашувда эътибор қаратилади. Эрдўған бу масалани Трамп билан муҳокама қилишни кутганини айтди.
НАТОнинг юқори мартабали дипломатининг айтишича, бу ечим топишнинг сўнгги имконияти бўлиши мумкин.
Uzbek