Шанба куни Саудия Арабистони матбуот агентлиги Қатар билан алоқаларни узиш Саудия Арабистонининг халқаро қонунларга мувофиқ суверен ҳуқуқи эканлиги ва унинг хавфсизлигини терроризм таҳдидларидан ҳимоя қилиши ҳақида баёнот берди.
Шунингдек баёнотда, Қироллик ва Форс кўрфази Ҳамкорлик Кенгашининг бошқа давлатлари Доҳани 2013-2014 йилларда Риёдда тузган келишувларга бўйсунишга чақирганлиги ва буни бажармаганлиги айтилган.
Саудия Арабистони, БАА ва Баҳрайн 2014 йил март ойида Мусулмон Биродарлар ва бошқа террористик гуруҳларни қўллаб-қувватлагани учун Қатардан ўз элчиларини чақириб олишган эди. Элчилар 2014 йил ноябрь ойида Қатар ҳукумати бошқа келишувни имзолагандан сўнг қайтиб келишди.
Саудия Арабистони, БАА, Баҳрайн ва Мисрнинг терроризмга қарши тўртлиги 2017 йил июнь ойидан бери Қатарга нисбатан дипломатик, савдо ва саёҳат борасида бойкотни амалга ошириб келмоқда.
Uzbek