Россия Беларус ҳукуматига юзага келган муаммоларни ҳал қилишда «ёрдам беришга» тайёр.
Россия президенти Владимир Путин бу ҳақда 24 соат ичида Александр Лукашенко билан Минскдаги норозилик намойиши фонида бўлиб ўтган иккинчи телефон суҳбати чоғида маълум қилди.
Reuters ҳисоб-китобларига кўра, бу норозилик акциясида тахминан 200 минг киши тўпланган ва бу мамлакат тарихидаги энг каттаси бўлганлиги айтилмоқда.
Сайловдан кейин юзага келган вазиятни Путин ҳам ҳудди Лукашенко сингари «Белорусияга ташқи томондан берилаётган босимни кўрмоқда», дейилади Кремль матбуот хизмати хабарида.
Россиянинг ёрдами Иттифоқдош давлатни тузиш тўғрисидаги шартнома тамойиллари асосида, шунингдек, керак бўлса, Коллектив хавфсизлик шартномаси ташкилоти орқали амалга оширилади. Иккинчи вариантга кўра эса, мамлакатга ҳарбий таҳдид бўлган тақдирда ёрдам бериши мумкин эканлиги айтилмоқда.
Uzbek