Польша чет элликларнинг АҚШда 90 кун визасиз қолишига имкон берувчи Америка дастурига қўшилиш арафасида. Бу ҳақда 2 сентябрь куни АҚШ вице-президенти Майкл Пенс Польша президенти Анджей Дуда билан музокараларни бошлашдан олдин маълум қилди.
Пенснинг таъкидлашича, Польша уни дастурга киритиш мезонларига яқинлашмоқда. Белгиланган мезонларга эришилгач, АҚШ ваъда қилинганидек, Польшага визасиз саёҳат қилиш имконияти пайдо бўлади, деб хабар беради «Польша Пресс» Агентлиги.
Аввал хабар берилганидек, сентябрнинг биринчи кунларида Польшада Иккинчи жаҳон уруши бошланишининг 80 йиллиги муносабати билан ўтадиган тадбирларга таклиф этилган АҚШ президенти Дональд Трамп ташрифи кутилган эди. Бироқ, Трамп АҚШдаги бўронлар сабабли ташрифни бекор қилди.
Uzbek