Шанба куни Покистоннинг шимоли-ғарбий ҳудудида жойлашган собиқ қабила зоналарида яшовчи сайловчилар биринчи вилоят сайловларига бордилар. Бу ҳақида Reuters хабар бормоқда.
Минтақа Британия колонилаш давридан буён ярим автоном мақомини йўқотган эди.
Май ойида бир неча юз йиллар мобайнида ташқи бошқарувдаги ҳаракатларга қаршилик кўрсатган еттита туманнинг тоғли гуруҳлари ва афғон чегараси бўйлаб жойлашган Федерал бошқарувдаги қабила ҳудудлари Хайбер Пахтунхва провинциясига қўшилди.
Вилоят мажлисида овоз бериш натижалари бош вазир Имрон Хоннинг миллий сиёсати ёки ҳукуматига бевосита таъсир кўрсатиши эҳтимолдан йироқ эмас.
«Бугун тарихий кун. Сайлов жараёни муаммосиз давом этмоқда» – дейди ҳукуматнинг қабила ҳудудлари бўйича маслаҳатчиси Ажмал Вазир.
Сайланувчилар 16 та ўринни эгаллайди, унда барча йирик миллий партиялардан 285 нафар номзод, шунингдек, мустақил номзодлар ҳам иштирок этади. Бироқ асрлар давомида асосан қатъий қабила анъаналари билан бошқарилган ҳудудга парламентар демократияни қандай киритиш мумкинлиги ҳақида савол ўртага ташланмоқда.
Uzbek