Қўшма Штатлар Кобулда 29 август куни америкалик МQ-9 Reaper дронининг зарбаси оқибатида 10 нафар тинч аҳоли ҳалок бўлганини тан олди. Бу ҳақда «Меduza» нашри Пентагон расмий вакили Кеннет Маккензига асосланиб хабар бермоқда.
Таъкидланишича, Америка разведкаси Хуросондаги «Исломий давлат» террорчилик гуруҳига алоқадор бўлиши мумкин деб ўйлаб, хайрия ташкилотининг 43 ёшли ходими Земари Аҳмадийнинг машинасини 8 соат кузатган.
АҚШ дрони одамлар машинага портловчи моддага ўхшаш нарсаларни юклаётганини аниқлаган, аммо у сув билан тўлдирилган пластик идишлар бўлиб чиқди .
«Бу хато эди ва мен чин дилдан кечирим сўрайман», – дейди Кеннет Маккензи. У ўлганларнинг террорчилар билан алоқаси йўқлиги ва Америка қўшинлари учун хавф туғдирмаганини айтди.
Пентагон ҳозир қурбонларнинг оилаларига қандай қилиб товон тўлашни ўрганмоқда.
Uzbek