АҚШнинг НАСА космик агентлиги «Роскосмос» раҳбари Дмитрий Рогозиннинг ташрифини кечиктирди. Бу ҳақда НАСА матбуот котиби Меган Пауэрс «РИА Новости» га берган интервьюсида маълум қилди.
Рогозиннинг ташрифи шу йилнинг февраль ойига режалаштирилган эди. АҚШ космик агентлиги айни пайтда Роскосмосга ўз қарорини маълум қилиб бўлган. Янги ташриф санаси ҳали аниқ эмас.
Пауэрс бу кўчирилишнинг сабабини кўрсатиб ўтмади.
Аввалроқ, жума куни Демократлардан сайланган сенатор Роберт Менендез санкцияларни вақтинчалик бекор қилишга қарши Сенатда қарор қабул қилиш ниятида эканини маълум қилган эди. Рогозин, бу санкциялар рўйҳатида 2014 йилдан бери мавжуд.
АҚШ Молия вазирлиги Рогозинни НАСА билан ҳамкорликни муҳокама қилиш учун Қўшма Штатларга боришга рухсат берган эди.
Uzbek