Пайшанба куни кечқурун қуролли шахс Москва марказидаги Федерал хавфсизлик хизматининг бош қароргоҳига ҳужум қилди. Хабар қилинишича, ФХХнинг камида бир нафар ходими ҳалок бўлган ва яна 5 киши жароҳат олган.
Ушбу ҳужум Президент Владимир Путин йиллик матбуот конференсиядан сўнг, Кремлда хавфсизлик хизмати ишини нишонлашга бағишланган нутқини сўзлаётганда содир этилган. Ҳужум айнан шу вақтга атайлаб режалаштирилгани тахмин қилинмоқда.
Россия Ички хавфсизлик хизмати ҳисобланувчи ФХХ қуролланган шахсни зарарсизлантирганини ва унинг шахсини аниқлаш учун иш олиб борилаётганини айтди, деб хабар беради «Интерфакс».
Қуролланган шахснинг мақсади нима бўлганлиги ҳозирча маълум эмас.
«Отишма соат 17:40 атрофида бошланди. Мен битта полициячининг транспорт воситаларининг орқасига яшириниб югуриб кетаётганини кўрдим» деди гувоҳлардан бири.
Uzbek