Трамп, Федерал заҳира тизимини база ставкасини оширгани учун бир неча бор танқид қилган эди
АҚШ молия вазири Стивен Мнучин давлат раҳбари Дональд Трамп Федерал захира тизими (ФЗТ) нинг раиси Жером Пауэллни ишдан бўшатиш имкониятини кўриб чиқганлигини тасдиқлади, дея хабар бермоқда ТАСС.
Мнучин, Трамп ФЗТнинг сиёсатига қарши кескин норозилик билдирган ҳамда ставкани кўтариш ва портфелини камайтириш даҳшатли қарор деганлигини ҳам, қайд этиб ўтди.
«Аммо мен ҳеч қачон ФЗТ раиси Жером Пауэллни ишдан бўшатишни таклиф қилмаганман ва бундан ташқари, мен буни қилишга ҳақли эканлигимга ишонмайман», деган президент сўзларини келтириб ўтган.
Эслатиб ўтамиз, Трамп бир неча марта АҚШ базасини ошириш учун Федерал резервни танқид қилган. Унинг фикрига кўра, бу иқтисодий ўсишга путур етказиши мумкин.
Ўзнинг президентлик вазифасининг илк бошланиш даврида амалдаги Оқ Уй раҳбари ФЗТ раисини алмаштирган. Жанет Йеллен ўрнига, Пауэллни ушбу лавозимга тайинлаган деб, ёзади ТАСС.
Манбалар: Трамп ФЗТ раиси Пауэллнинг ишдан олинишини муҳокама қилган.
Ўз навбатида, Reuters томонидан хабар берилишича АҚШ президенти Дональд Трамп, федерал заҳира раиси Жероме Пауэллни ишдан бўшатиш эҳтимоли масаласи, ўзаро шахсий суҳбат давомида муҳокама қилинганлиги хақида, шанба куни бир-биридан мустақил бўлган иккита манба хабар берган, бу эса ҳозирда ўзгарувчан молиявий бозорларига кескин зарба бериши мумкинлиги таъкидлаб ўтилган.
Reuters манбаларининг қўшимча маълум қилишича, гарчи ўзи тайинлаган ФЗТ раиси Пауэллга нисбатан президентнинг бир неча маротаба қилган оммавий ва хусусий шаклдаги эътирозларига қарамай, Трамп раҳбарни лавозимидан четлатилиши кутилмаяпти экан.
Хусусан, уни лавозимидан четлатиш хуқуқи АҚШ президентига берилмаганлиги таъкидланмоқда. Шунингдек, АҚШ президентини ўз маслаҳатчилари билан ФЗТ раисини лавозимидан четлатиш юзасидан хуқуқий асослар излаш борасида маслаҳатлашганлиги айтилмоқда.
Bloomberg News , Трампнинг Пауэллни ишдан бўшатиш масаласини алоҳида муҳокама қилинганлиги ҳақида биринчи бўлиб хабар берган эди.
ФЗТ мустақиллиги АҚШ молия тизимининг асосини ташкил этади ва долларнинг дунёдаги захира валютаси эканлигининг асосий сабабларидан биридир.
Шу ойнинг бошида Reuters телеканалига берган интервьюсида Трамп Пауэллни ўзини ёқтиришини, аммо сиёсатини ёқтирмаслигини айтган эди.
«Менимча, у яхши инсон. Ўйлайманки, у энг яхши деб ҳисоблаган нарсани қилишга ҳаракат қилмоқда. Мен у билан келишолмайман», деган эди Трамп. «Ўйлайманки, у жуда тажовузкор, жуда ҳам тажовузкор, хаддан ташқари жуда тажовузкор»-деб айтган эди Трамп.
Uzbek