Бешинчи авлод мобил алоқасининг жорий этилиши баъзи швейцарияликларни хавотирга солмоқда. Улар янги технологиялар уларнинг соғлиғига салбий таъсир қилишидан қўрқишмоқда.
21 сентябрь, шанба куни Бернда 5G авлодга юқори тезликдаги тезкор мобил алоқа стандартининг киритилишига қарши митинг бўлиб ўтди ва фаолларнинг фикрига кўра улар дуч келиши мумкин бўлган «мажбурий таъсир қилиш» содир бўлиши мумкин. «Stop 5G» шиори остида намойишда бир неча минг киши иштирок этди. Баъзилар Швейцарияда уяли алоқанинг бешинчи авлодини жорий этишни «инсон ҳуқуқларига қарши жиноят», деб аташди.
5G мухолифлари ушбу мобил технология аҳоли саломатлиги ва атроф-муҳитга жиддий таъсир кўрсатиши мумкин, деб ҳисоблашади. Фаолларнинг фикрига кўра, зарарсиз бўлган оптик толали алоқаларни ривожлантиришни жадаллаштириш талабини қўйиш керак.
Ҳозирги вақтда янги технологияларнинг инсон саломатлигига таъсири бўйича бир қатор тадқиқотлар олиб борилмоқда. Бутун жаҳон соғлиқни сақлаш ташкилоти AFPга «радио частота майдонларининг таъсиридан соғлиқ учун хавф баҳолашни» бошлаганини айтди.
Uzbek