Бугунги кунда мамлакатимизда ҳукуматимиз томонидан келажагимиз ворисларини ҳар тарафлама етук қилиб тарбиялаш борасида кенг кўламли ислоҳотлар олиб борилмоқда.
Айниқса, имконияти чекланган (кар-соқовлар) шахсларга зарур шарт-шароитлар яратиб бериляпти.
“Адолат “ СДП Тошкент шаҳар Олмазор тумани кенгаши 24-Сағбон сайлов округи депутати Луиза Хикматова ҳамда хусусий тадбиркор Муҳаммадбобур Ходжаев билан ҳамкорликда Ўзбекистан “VETERAN” жангчи-фахрий ва ногиронлар бирлашмаси қошидаги ООО “IT-ASIA” “Surdo online Uzbekistan” дастури орқали пойтахтимизнинг Олмазор туманидаги “Ат-Термизий” жомъе масжидида имконияти чекланган (кар-соқовлар) инсонларга намоз ўқишлари учун алоҳида хона ажратилиб, мониторда “Surdo online Uzbekistan” дастури ўрнатилди.
Унда сурдотаржимон масжид имом хатибининг маърузасини сурдо онлайн тарзда имконияти чекланган (кар-соқовлар) инсонларга етказиб берaди.
Ўз ўрнида 12 июль кунги жума номозида “Ат-Термизий” имом хатиби Роббимқул Муҳаммадиев ва жума намозига йиғилган юртдошларимиз мазкур лойиҳани жорий этган саҳоватпеша инсонлар ҳақига дуо қилишди.