Душанба куни Жаҳон соғлиқни сақлаш ташкилоти коронавирусни текшириш, ушбу пандемиянинг тарқалишини секинлаштиришнинг энг яхши усули эканлигини таъкидлади ва барча давлатларни мазкур тизимни ривожлантиришга чақирди.
Шунингдек, юзага келаётган танқисликларни бартараф этиш учун компанияларни муҳим жиҳозларни кўпроқ ишлаб чиқаришга ундади.
«Бизнинг барча мамлакатларга мурожатимиз шу -текширинг, текширинг ва яна текширинг. Ҳамма давлатлар вирус борлиги гумон қилинган одамларнинг ҳар бирини текшириб кўришга қодир бўлишлари керак. Текширишларсиз вирус билан касалланганларни изоляцияга олиб бўлмайди ва инфекциянинг тарқалиш занжири бузилмайди” деди ЖССТ бош директори Тедрос Адҳаном Гебрейсес, Женевада бўлиб ўтган матбуот анжуманида. Шунингдек, Гебрейсес COVID-19 ни «замонимизнинг глобал соғлиқни сақлаш инқирози» деб атади.
Тедроснинг таъкидлашича, ҳатто илғор соғлиқни сақлаш тизимига эга мамлакатлар ҳам ушбу касалликка қарши курашишда қийинчиликда дуч келмоқдалар.
ЖССТ раҳбари вируснинг кам даромадли давлатларга таъсир қилишидан қаттиқ хавотирда эканлигини билдирган. Чунки, бундай мамлакатлар аҳолисининг вирусдан бошқа муаммоси ҳам талайгина – улар тўйиб овқатланмайди ва бошқа соғлиқ муаммолари билан ҳам курашмоқда.
Uzbek