Эрон билан ядровий шартнома имзолаган Европа давлатлари сешанба куни Эроннинг 2015 йилги шартномага амал қилмаётганидан «ташвишда эканликларини » айтишди. Исроил эса бундан келиб чиқадиган Эрон билан Қўшма Штатлар ўртасидаги ҳар қандай қарама-қаршиликда иштирок этишга тайёр эканини айтган, дея хабар бермоқда Reuters агентлиги.
Эрон ушбу ҳафтада ядровий битимда рухсат этилганидан кўра кўпроқ камбойитилган уран тўплаганини эълон қилди ва бу АҚШ президенти Дональд Трамп Эронни «олов билан ўйнашаётгани»ни айтишига сабаб бўлди.
«Биз Эроннинг ушбу қароридан жуда пушаймондамиз, бу эса ядро қуролини тарқатмасликнинг муҳим воситасига шубҳа билан қарашга мажбур қилади», деди Германия, Франция ва Буюк Британия ташқи ишлар вазирлари ЕИ Эрон бўйича юқори вакиллар билан қилган қўшма баёнотида. «Биз Эронга бу қароридан қайтишига ва ядро битимига путур етказадиган бошқа чораларни қўлламасликка чақирамиз», дейишди.
Вашингтон ва Теҳрон ўртасидаги зиддиятлар ўтган йили Трамп битимдан чиқиб кетиши натижасида таранглашди. АҚШ Эрон нефтини барча халқаро савдосини тўхтатди. Сўнг Эронни Форс кўрфазидаги нефть танкерларига ҳужум қилишда айблади, Теҳрон эса буни рад этди.
Ушбу шартномага имзо чеккан Европалик икки душманни бевосита қарама-қаршиликлардан қайтаришга уринишмоқда, чунки кичик хатолар ҳам урушга олиб келиши мумкин.
Исроил, Трамп маъмуриятини, Эронга қарши санкцияларни давом эттиришга даъват қилади, охир-оқибатда Эрон яна чекланган камбойитилган уран тўғрисидаги ядровий битимни қайта кўриб чиқади, деб тахмин қилинмоқда.
Исроил ташқи ишлар вазири Катз халқаро хавфсизлик форумида Эрон зиддиятларнинг «кулранг ҳудуд» дан чиқиши мумкинлигини айтди.
“Шуни инобатга олиш керакки, Эрон режимининг нотўғри қарашлари зиидиятни «кулранг ҳудуддан» «қизил ҳудуд»га, яъни ҳарбий ҳаракатларга ўтишини тақозо этади «, деди Исроил ташқи ишлар вазири Катз.
«Биз бунга тайёр бўлишимиз керак, шунинг учун Исроил давлати ҳарбий қудратини кучайтириш учун ўзини кучайтиришда давом этмоқда, бу эса турли кутилмаган сценарийларга қарши туришимизни таъминлайди» дейди Катз.
Олий даражадаги қонун чиқарувчилардан бири, душанба куни Қўшма Штатлар Эронга ҳужум қилса Исроилнинг «ярим соат ичида» йўқ қилиниши ҳақида огоҳлантирган эди.
Хитой Эроннинг ҳаракатига пушаймон бўлганини, барча томонларни эҳтиёт чораларини қўллашга чақирди ва АҚШнинг Эронга босимни кучайтириш сиёсати «ҳозирги зиддиятларнинг асосий сабаби» эканини айтиб ўтди.
Uzbek