Германия ҳукумати ёқилғи нархини кўтариш бўйича ички музокаралар олиб бормоқда, деб хабар беради «n-tv» канали. 20 сентябрь куни у карбонат ангидрид оксиди бўйича солиқларни ошириш ҳисобига молиялаштириладиган иқлимни ҳимоя қилиш чораларини жорий қилишни режалаштирмоқда.
Жорий йилнинг 19 сентябрь куни кечқурун, Федерал канцлер Ангела Меркель, унинг ўринбосари Олаф Шолз ва ҳукмрон коалиция партиялари раҳбарлари Берлиндаги офисга йиғилишди. Улар бензин, дизель, табиий газ, ёқилғи мойи ва кўмирнинг мумкин бўлган минимал ва максимал нархларини муҳокама қилишди. Ҳукумат доираларидаги манбага кўра, қурилиш ва транспорт саноатида ҳар бир тонна карбонат ангидрид учун 30 евро солиқ жорий этилган. Бу бензин ва дизель ёқилғиси нархининг бир литри учун 0,1 еврога кўтарилишига олиб келади. Айни пайтда бир литр дизель ёқилғисининг нархи тахминан 1,3 евро, СУПEР бензинининг нархи – 1,45 эвро.
Uzbek