«Челси» 25 миллион фунт стерлинглик ҳимоячини сотиб олмоқчи
Daily Mail хабарига кўра, «Челси» «Брайтон» марказий ҳимоячиси Бен Вайтни сотиб олишни режалаштирмоқда. 22 ёшли футболчи айни пайтда «Лидз» да ижара асосида тўп сурмоқда. Френк Лемпард жамоаси Вайт учун 25 миллион фунт стерлинг (33 миллион АҚШ доллари) тўлаши керак бўлади.
Гвардиола собиқ клубига қайтиши мумкин
Пеп Гвардиола «Манчестер Cити» дан кетишга қарор қилган тақдирда «Барселона» унга шартнома таклиф қилишга тайёр, дея хабар беради Express. Ҳозирда Пеп мураббийлик қилаётган “Манчестер Cити” турнир пешқадами «Ливерпул» жамоасидан анча ортда қолмоқда. Бу эса Гвардиоланинг клубдаги фаолияти якунланишига олиб келиши мумкин.
Холанд «Манчестер Юнайтед» га ўтишни хоҳламоқда
Норвегиялик ёш ва иқтидорли ҳужумчи Эрлинг Холандга бир неча клублар қизиқиш билдирмоқда. Аммо унинг ўзи «Манчестер Юнайтед»га қўшилишни афзал кўради. Mirror хабарига кўра, Эрлинг Холанд Оле Гуннар Сулшерга «Манчестер Юнайтед» сафига қўшилишни истаётганини айтди. Ёш форвард аллақачон «Юнайтед» нинг машғулот майдонига ташриф буюришга ҳам улгурган.
Алаба «Бавария»нинг Коутинёни сотиб олишини хоҳламоқда
Филиппе Коутинё кеча Бундеслигадаги «Бавария»- «Вердер Бремен» учрашувида хет-трик қайд этди. Коутинёнинг Германия чемпиони сафидаги сўнгги ўйинлари футболчи аввалги ажойиб формасига қайтганини кўрсатмоқда. Хозирда Коутинё «Бавария»да ижара асосида тўп сурмоқда. Аммо унинг кўплаб жамоадошлари, хусусан, Девид Алаба “Бавария”нинг Бразилиялик форвардни сотиб олишини исташмоқда.
Uzbek