Гонконгда юзлаб намойишчилар Хитойнинг миллий хавфсизлик қонунларини жорий этиш билан боғлиқ режасига қарши митингга чиқишди. Бу ҳақда Reuters хабар бермоқда.
Ҳукумат жамоатчилик ва хорижий инвесторларни Пекин томонидан таклиф қилинган хавфсизлик тўғрисидаги қатъий қонунлар зарурлигига ишонтиришга уринганидан кейин намойишчилар Гонконг кўчаларига чиқди.
Гонконгда коронавирус пандемияси туфайли саккиз нафардан ортиқ кишининг йиғилиши тақиқланади.
Эслатиб ўтамиз, ҳар йили бўлиб ўтадиган Хитой Халқ Конгресси ўз кун тартибига «исён, сепаратизм ва хоинлик» учун жавобгарликни кўзда тутувчи “Гонконгнинг ҳуқуқий тизими ва ҳуқуқни қўллаш механизмини такомиллаштириш тўғрисида”ги қонун лойиҳасини киритди.
Вазият кескин тус олиши мумкин, чунки Пекин назарий жиҳатдан шунчаки Гонконгнинг сайланган қонун чиқарувчиларини писанд қилмай, ўзи томонидан таклиф этилган ўзгартиришларни киритиши мумкин.
Гонконг – Хитойнинг маъмурий ҳудуди ҳисобланади. 1997 йилда Англия Гонконгга суверенитетни қайтариб берганидан бери, “битта мамлакат, иккита тизим” сиёсатига амал қилиб келаётган эди, бу эса унга Хитойнинг қолган қисмида мавжуд бўлмаган эркинликларга эришишга имконини беради.
Uzbek