26 феврал куни Гонгконг мамлакатида коронавирусга қарши аҳолини оммавий эмлаш дастури бошланди. Ушбу ваксинация дастурида Хитойнинг Sinovac компанияси томонидан ишлаб чиқарилган вакцинадан фойдаланилаётган бўлиб, унда мамлакатдаги 7. 5 миллион кишининг барчасини бепул эмлаш мақсад қилинган.
Гонгконгда эмлаш компаниясининг биринчи босқичида 2. 4 миллион киши қамраб олиниб, 60 ёшдан ошганлар ва тиббиёт соҳаси ходимлари вакцина билан таъминланади. Ҳукуматнинг маълум қилишича, икки ҳафта давом этадиган биринчи босқич учун рўйхатдан ўтиш якунланган.
Ўтган ҳафтада Хитойдан Sinovac компанияси вакцинаси олиб келинган ва Гонгконг раҳбари Керри Лам ҳамда бошқа юқори лавозимли раҳбарлар вакцинанинг биринчи дозасини қабул қилиб олганди. Аммо, январда Гонгконг университети томонидан ўтказилган сўровномаларда аҳолининг аксарият қисми Хитой вакциналарининг самарадорлигига шубҳа билан қараётгани маълум бўлган.
“Ҳозирча вакцина оламан деб ўйламайман. Мен бошқаларнинг вакцинани қабул қилганидан кейинги натижаларни кутаман» дейди Гонконгда яшовчи Кен Чеунг.
Uzbek