Пайшанба куни Франциянинг Ница шаҳрида жойлашган марказий черковга ҳужум қилинди. Оқибатда, икки нафар аёл ва битта эркак ҳаётдан кўз юмди. Ҳужум қилган шахс бир аёлнинг калласини узиб олган, қолганларини пичоқлаб ўлдирган.
Франциядаги жиноят-қидирув бўлимининг маълум қилишича, ушбу ҳужумни уюштирган шахс Тунис мамлакатидан келган 21 ёшли мигрантдир. У Европа қитъасига бир неча ҳафта олдин келган.
Гумонланувчи шахс Ибраҳим Аоссаоуйи сентябрь ойида Италиянинг Лампедуза оролига етиб келган. Иброҳим бу оролда карантинга олинган. Иброҳимда вирус аниқланмагач унга Италия ҳудудини тарк этиш буюрилган. Манбаларнинг маълум қилишича, у Францияга октябрь ойининг бошида келган.
Uzbek