Францияда коронавирус тарқалишининг олдини олишга қаратилган айрим чекловлар бекор қилинади. Мамлакат бўйлаб ресторан, бар ва дўконлар қайта очилади.
Маълум бўлишича, фуқаролар олти кишидан ошмаса, очиқ ресторан террасаларида овқатланишга рухсат берилади. Шунингдек, тунги комендантлик соати 19:00 дан 21:00 гача этиб белгиланди. Тунги навбатчиликлар июнь ойи охиригача бутунлай бекор қилиниши режалаштирилган.
Франция молия вазири Брюно Ле Мэр бизнес соҳасини қисман бўлса-да тиклаш ҳаракати мамлакат иқтисодиёти учун катта қадам эканини айтди.
Франция соғлиқни сақлаш вазирлиги хабарига кўра, мамлакатда кунига 13 мингга яқин COVID-19 инфекцияси қайд этилмоқда. Aммо бу кўрсаткич ўтган ойдаги статистика билан солиштирганда анча паст, ўшанда бир сутка ичида 40 мингдан ортиқ кишида вирус аниқланган.
Таъкидлаш жоизки, мамлакатда эмлаш дастури тез суъатларда амалга оширилмоқда. Ҳозирда 20 миллиондан зиёд фуқаро камида битта дозани олган ва деярли тўққиз миллион киши иккала препаратни ҳам қабул қилган.
Франция ҳукумати май ойи ўрталарига қадар 20 миллион киши биринчи босқич билан эмланишини мақсад қилган эди.
Жон Хопкинс университети берган статистикага биноан, мамлакатда пандемия бошланганидан буён 5,9 миллиондан ортиқ киши COVID-19 касаллигига чалинди.
Uzbek