11 март куни Европа Иттифоқининг Дори-дармон агентлиги Johnson&Johnson компанияси томонидан ишлаб чиқилган вакцинадан фойдаланишга рухсат берди. Ҳозирда Европа Иттифоқи коронавирусга қарши эмлаш ишларини тезлаштириш ва ўзининг ваксина захирасини кўпайтиришга ҳаракат қилмоқда.
Бу билан Европада рўйхатдан ўтказилган вакциналар сони тўрттага етди. Иттифоқда шу пайтгача AstraZeneca,Pfizer ва Moderna компаниялари вакциналаридан фойдаланишга рухсат берилди. Европа Дори-дармон агентлиги Johnson&Johnson ваксинасини 18 ёшдан ошган одамларга қўлланилишини маъқуллаган бўлиб, ушбу вакцина фақатгина бир дозадан ташкил топган.
«Европа Иттифоқи расмийлари Johnson&Johnson вакцинаси билан пандемияга қарши курашиш ва ўз фуқароларининг ҳаёти ҳамда соғлиғини ҳимоя қилишда яна бир имкониятга эга бўлмоқдалар. Бу бир дозали бўлган дунёдаги дастлабки вакцинадир» деди Дори-дармон агентлиги ижрочи директори Эмер Кук.
Ҳозиргача Johnson&Johnson компанияси вакцинасини Европа Иттифоқидан ташқари АҚШ, Канада ва Баҳрайн мамлакатлари рўйхатдан ўтказган. Шунингдек, айни пайтда Жанубий Африкада ушбу вакцина синовлардан ўтказилмоқда.
Uzbek