Европа Иттифоқи (ЕИ) Британиянинг Брекситни 2020 йил 31 январгача қолдириш талабини расман қабул қилди.
Европа Иттифоқи Кенгаши Президенти Дональд Туск ўзининг Твиттердаги расмий аккаунтида, Европа Иттифоқининг 27 мамлакати Британиянинг Брекситни кечиктириш ҳақидаги илтимосини қабул қилганини эълон қилди.
“ЕИ аъзолари «Брекситни мослашувчан тарзда” 2020 йил 31 январгача кечиктириш ҳақидаги Британиянинг илтимосини қабул қилди», дея эълон қилди Туск.
Шунингдек, у қарорнинг ёзма равишда расмийлаштирилишини айтди.
Шунга кўра, агар Буюк Британия Европа Иттифоқи билан бўлиниш тўғрисидаги битимни 2020 йил 31 январгача ратификация қилса, ушбу санадан олдин ЕИ таркибидан чиқиб кетиши мумкин.
Эслатиб ўтамиз, 2016 йилда ўтказилган референдумда Англия 52 фоиз овоз билан Брексит тўғрисида қарор қабул қилинган. 29 март куни расмийлаштирилиши керак бўлган Брекситнинг Британия жамоатлар палатаси томонидан кетма-кет рад этилиши оқибатида бу жараён 31 октябрга қадар кечиктирилган эди.
Uzbek