Лондон (AP) нашриётининг хабар беришича, Англия, Испания ва Италиянинг 12 элита клубларидан иборат гуруҳ якшанба куни асосан ёпиқ суперлига ташкил этилишини эълон қилиб, Европа футболини кескин ажратиб юборди. Улар UEFA томонидан бошқариладиган Чемпионлар Лигаси таркибини ички мусобақаларидан чиқариб юборилиши ва қонуний жавобгарликка тортилиши мумкинлиги ҳақидаги огоҳлантиришларга қарамай тарк этишмоқда.
Дунёдаги энг катта спортни силкитишга қаратилган сейсмик ҳаракат қисман америкалик «Арсенал», «Liverpool» ва «ManchesterUnited» эгалари томонидан ишлаб чиқилган бўлиб, улар ҳам ёпиқ лигаларда АҚШ франшизаларини бошқаришади. Бу моделни улар Европада такрорлашга уринмоқда.
Бу бўлиниш жума куни UEFA- Европа футболининг етакчи органи – Чемпионлар лигасини 2024 йилдан бошлаб кенгайтириш режасини қўллаб-қувватлаш бўйича ваъдасидан воз кечгандан сўнг бошланди. Битим уларнинг кўпроқ ўйинларга бўлган хоҳишларини амалга ошириш учун режалаштирилган эди.
Супер лига режаси биринчи марта январь ойида пайдо бўлган.
Мадриднинг «Real» клуби президенти Флорентино Перес SLнинг ташкилотчиси, амалда имкон қадар тезроқ бошлашни ният қилганини айтди.
«Биз футболга ҳар қандай даражада ёрдам берамиз ва уни дунёдаги муносиб жойига олиб борамиз», деди Перес. «Футбол – бу тўрт миллиарддан зиёд мухлисга эга дунёдаги ягона глобал спорт ва бизнинг катта клублар вазифамиз уларнинг истакларига жавоб беришдир», дея қўшимча қилди Перес. Ўтган ҳафта бутун Европа бўйлаб мухлислар гуруҳлари ҳаттоки амалдаги Чемпионлар Лигасини кенгайтириш режасини ҳам «куч ишлатиш» деб танқид қилдилар.
Ҳозирча атиги 12 та клуб рўйхатдан ўтди – Франция ва Германиядан бирортаси ҳам йўқ. Ҳар йили ўтган мавсум натижаларига кўра аниқланадиган бешта уялар очиқ қолдирилади.
UEFA клубларни шахсий манфаатдорликка асосланган лойиҳага қўшилиш уларнинг бошқа бирон бир мусобақада – ички, европалик ёки глобал миқёсдаги ўйинларида қатнашишни тақиқлаши тўғрисида огоҳлантирди. Унда айтилишича, уларнинг футболчиларига ўз терма жамоалари вакили бўлиш имкониятидан маҳрум қилиниши мумкин.
Баёнот Англия, Испания ва Италиянинг лигалари ва миллий бошқарув органлари билан биргаликда чиқарилди.
Англия олтита клуб билан пешқадамлик қилмоқда. Шу қаторда «Chelsea» ва «Manchester City», шу ойда Чемпионлар Лигаси ярим финалига чиқишлари керак. Кейинги мавсумда Чемпионлар Лигасида қатнашиш учун APLнинг тўртталигидан ташқарида бўлган «Tottenhem» клуби ҳам киритилган.
«Дунёнинг энг буюк клублари ва футболчиларини мавсум давомида ўзаро ўйнаш учун бирлаштириб, Супер лига Европа футболи учун янги боб очади, жаҳон даражасидаги рақобат ва имкониятларни таъминлайди ва кенгроқ футбол пирамидасига молиявий кўмакни оширади», дейди Жоэл Глазер, «Manchester United» нинг раиси ва SL раисининг ўринбосари.
Янги мусобақа раисининг яна бир ўринбосари бўлган Андреа Агенлли, якшанба куни кечқурун UEFA билан Чемпионлар Лигасини 36 та жамоага кенгайтириш бўйича иш олиб борадиган Европа клублари ассоциацияси раиси вазифасини тарк этди.
«Биз ушбу муҳим дақиқада бир жойга тўпландик, Европа рақобатининг ўзгаришига имкон бериш, ўзимиз яхши кўрган ўйинни узоқ муддатли келажак учун барқарор пойдеворга қўйиш, ҳам жиҳатликни сезиларли даражада ошириш ва мухлислар ва ҳаваскор футболчиларга доимий равишда имконият бериш асосий вазифамиздир» дейди ўз нутқида Агенлли
Uzbek