Туркия ва Ливия денгиз чегаралари бўйича битим имзолаганидан кейин, Ўрта Eр денгизининг шарқида қўшма тадқиқот ишларини олиб бориши мумкин. Бу ҳақда Туркия Президенти Ражаб Тоййиб Эрдоған ўз баёнотида маълум қилган.
Ливиянинг халқаро миқёсда тан олинган ҳукумати ва Туркия ўтган ой ўзаро келишувга эришди, аммо бу Грецияни ғазаблантиргани ҳам бор гап. Гап Мазкур икки давлатнинг келишилган ҳудудда табиий газ манбаларини қидириш бўйича келишувга эришганлиги тўғрисида бормоқда.
Олдинроқ, Греция ва Туркия ўртасида, Ўрта ер денгизининг шарқида жойлашган мунозарали Кипр оролининг соҳилида турк газини қидириш ишлари туфайли зиддиятлар авж олган эди.
Европа Иттифоқи Ливия ва Туркия ўртасидаги янги келишувга жавобан Туркияга қарши санкциялар лойиҳасини тайёрлади.
Душанба куни TRT World нашрига берган интервьюсида Ражаб Тоййиб Эрдоған Ливия билан мазкур шартнома халқаро ҳуқуқнинг тан олинган тамойилларига мутлақо зид эмаслигини таъкидлаган.
Uzbek