Оғир касалланганлар сонининг кўплиги ва ўлимлар миқдорининг рекорд даражадалигига қарамай, АҚШнинг пандемия эпимаркази бўлган Нью-Йоркда коронавирус билан касалланган касалхоналарга ётқизилиш ҳолатлари секинлашмоқда, деди штат губернатори Эндрю Куомо сешанба куни.
Нью-Йорк, худди бутун мамлакат сингари, шу кунларда рекорд даражада коронавирусдан вафот этганлар рўйхатга олинган бир неча штатлардан бирига айланди. Нью-Йорк штати 731 нафар қурбонлар ҳақида хабар берди.
«Одамлар шунчалик даҳшатли касалланган … даҳшатли касалланганки, мен ҳеч қачон бунақасини кўрмаганман «, деди Рейтерга, Нью-Йорклик 33 ёшли ҳамшира Жаклин Кэллахэн.
«Хуллас, бу – ҳар кун, очиғини айтганда, энг оғир кун», дея қўшимча қилди у.
Сешанба куни АҚШда қайд этилган коронавирус инфекциясининг сони 400 мингга яқинлашди ва қурбонлар сони 12,700 дан ошди. Кун давомида мамлакатда рекорд даражада ўлим қайд этилди – яъни, 1800 дан ортиқ.
Ҳозирда Нью-Йорк штати ҳисобига, АҚШда тасдиқланган коронавирус инфекциясининг учдан биридан кўпроғи, шунингдек, ўлим холатининг деярли ярми тўғри келади, – сешанба кун холатга кўра 5.489 ни ташкил қилди.
Аммо Куомонинг таъкидлашича, ўлим сонининг кўпайиши – «ортда қолаётган индикатор» экан. Бунинг ўрнига, у коронавирус билан касалланган беморларни касалхонага, реанимация бўлимига ётқизиш ва механик шамоллатиш мосламаларидан фойдаланиш зарур бўлган ҳолатлар секинлашганига ишора қилди.
Uzbek