Эртага Тошкентда Марказий Осиё мамлакатлари давлат раҳбарларининг иккинчи Маслаҳат учрашуви бўлиб ўтишидан хабарингиз бор. Бироқ айни шу тадбир арафасида, яъни бугун Қирғизистон пойтахти Бишкекда Коллектив хавфсизлик шартномаси ташкилоти (ОДКБ)нинг саммити чақирилгани одамни ҳар хил гумонларга ошно этади.
2012 йилда Ўзбекистон чиқиб кетган ушбу тузилмага бугун Туркманистондан бошқа минтақамиздаги барча давлатлар аъзо. Демак, қўшниларимиз Тошкентдаги стол атрофига Бишкек “кенгаши”дан чиқиб келишади. Бишкек учрашувида Тошкентдаги саммит ҳақида қайси форматда мунозара бўлиши қоронғу. Лекин бўлиши аниқ.
Аслида-ку сиёсатда пафос қанчалик юқори бўлмасин, барибир шубҳа-гумондан холи қолмайди. Масалага шу ориентир орқали ёндашсак қўшниларимизнинг Тошкент саммитидаги қарорлари қай даражада самимий ва қатъий бўлади?..
Uzbek