АҚШ президенти Дональд Трамп ноябрь ойида Парижда ёки Буэнос-Айресда ўзининг россиялик ҳамкасби президент Владимир Путин билан учрашиши мумкин, дея хабар беради Bloomberg.
Агентлик манбаларининг маълумотларига кўра, давлат раҳбарларининг янги учрашуви Биринчи жаҳон урушининг якунланганининг 100 йиллиги арафасида, Франция пойтахтида ёки ноябрь ойининг охирида,Аргентина пойтахтида старт оладиган G20 саммити чоғида бўлиши мумкин.
Аввалроқ, Россия ташқи ишлар вазирлигининг Шимолий Америка департаменти раҳбари Георгий Борисенко Россия томони Қўшма Штатлар билан икки томонлама муносабатларнинг барча соҳаларини муҳокама қилишга тайёр экани хақида баёнот берган.
Агар Вашингтон янги саммит ўтказишдан манфаатдор бўлса, Россия Федерацияси бу имкониятни кўриб чиқишга тайёрлигини айтган.
Бироқ, ҳозирча Америка Қўшма Штатлари томонидан сўровнома келиб тушмаган.
Эслатиб ўтамиз, Россия ва АҚШ президентлари ўртасидаги биринчи тўлиқ музокаралар 16 июль куни Хельсинкида бўлиб ўтди.
Икки давлат раҳбарлари дастлаб икки соатдан ортиқ суҳбат бўлиб ўтган, ундан кейин делегациялар кенгайтирилган тушликда бўлиб, журналистларнинг саволларига жавоб беришган эди.
Uzbek