АҚШ етакчиси Жо Байден аввалги президент Дональд Трампнинг мамлакатни иқлим бўйича Париж битимидан чиқариб олиш ҳақидаги қарори учун жаҳон ҳамжамиятидан узр сўради.
«Ўйлашимча кечирим сўрашим керак эмас эди, лекин АҚШнинг аввалги президент маъмурияти иқлим бўйича Париж битимидан чиқиб кетгани учун узр сўрайман», – деди у Глазгода иқлим бўйича бўлиб ўтаётган конференцияда сўзга чиқиб.
2017 йилда АҚШнинг аввалги президенти Дональд Трамп Вашингтоннинг иқлим бўйича Париж битимидаги иштирокини тўхтатиши ҳақида баёнот берган эди. 2020 йилда Трамп устидан ғалаба қилган янги президент Жо Байден ўзининг инаугурациясидан кейин АҚШнинг мазкур битимга қайтиши ҳақидаги фармонни имзолади.
Глазгода 31 октябрь куни бошланган иқлим бўйича конференция 12 ноябргача давом этади. Саммит давомида ис газини чиқаришни пасайтириш ва углерод нейтраллигига эришиш бўйича қатор ҳужжатлар имзоланиши кутилмоқда.
Uzbek