Жорий йилнинг 25 сентябрь куни Миср президенти Абдулфаттоҳ ас-Сиси БМТ Бош ассамблеясининг 74-сессиясида нутқ сўзлади. БААда жойлашган «Ал Арабия» янгиликлар каналига кўра, Ас-Сиси ўз нутқида араб дунёси ҳанузгача «араб муаммоси»га ечим изламоқда, деб таъкидлаган.
Миср президенти «араб муаммоси» билан Фаластин-Исроил можаросига ишора қилмоқда. Ас-Сиси Фаластин халқининг азоб-уқубатлари ва уларнинг Фаластин давлатини яратиш учун фидокорона курашини эслатиб ўтди.
Миср президентининг фикрига кўра, фақат Фаластин давлатининг шаклланиши Яқин Шарқдаги энг узоқ давом этадиган инқирознинг ечими бўлади.
Uzbek