Ҳиндистондаги ҳаво сифати ўта хавфли даражага етган

0
1170
Фото:yandex.ru

Ҳиндистон пойтахти Нью-Деҳли шаҳрида ҳаво ифлосланиши ўта хавфли даражадан ошиб кетди. Ҳинд олимлари бу каби ифлосланган ҳаво шаҳар аҳолисининг умрини ўртача 6 йилга қисқартиришини таъкидлаган. Бу ҳақда ТАCC хабар бермоқда.

Мамлакат метеорология департаменти маълумотларига кўра, пойтахтда ҳаво сифати индекси (AQI) 500 дан ошган. Ҳаво сифати жорий йилнинг 7 ноябригача яхшиланмайди.

Ҳукумат аҳолини уйдан чиқмасликка чақирмоқда. Шаҳарни қалин смог қоплаган, мактаблар ёпилган, 30дан ортиқ парвозлар бошқа шаҳарларга йўналтирилган, қурилиш ишлари тўхтатилган.

Ҳаво ифлосланишига асосий сабаб Нью-Деҳли атрофидаги сомон майдонларининг йиғим-теримдан кейин оммавий ёниши деб айтилмоқда.

Ҳиндистон соғлиқни сақлаш вазирлиги расмийси ҳавонинг ифлосланиш даражасини ўлчовчи асбоблар максимум рақамни кўрсатаётгани, бу орқали ҳақиқий ҳолатни билиб бўлмаётганини маълум қилди.

Душанбадан бошлаб пойтахтда автомобиль ҳаракатини чеклаш тартиби ўрнатилган. Мактаблар сешанба кунигача ёпиқ қолиши мумкин.

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг