Президент Владимир Путин Россия қуролли кучларига АҚШ янги ракетасини синовдан ўтказгандан сўнг, бу ракетага қарши тезкор жавоб чораларини кўришга топшириқ берди.
Якшанба кунги синовда, АҚШ ҳарбий-денгиз кучларининг «Тоmahawk» круиз ракетасининг янгиланган версияси 500 километр масофадан туриб нишонга аниқ зарба берди.
АҚШ ва Россия ўртасида 1987-йилдаги ядровий қуролларга оид шартнома бекор бўлган. Айнан шундан кейин АҚШ ракета синовларини бошлаган.
АҚШ бу битимни Россия бузганидан кейин бекор қилинганини даво қилмоқда. Лекин Россия томони бу айбловларни рад этмоқда.
Жума куни Путин нутқида АҚШ илгари тақиқланган ракеталарни дунёнинг турли бурчакларига жойлаштириш учун шу ишларга қўл урганини таъкидлади. У Мудофаа вазирлиги ва бошқа идораларга муносиб тарзда жавоб қайтариш учун зарур чораларни кўришни буюрди.
Uzbek