Пайшанба куни одамларда норка хўжаликларига боғланган ҳудудларда коронавируснинг мутацияга учраган янги версияси аниқлангандан сўнг, Дания мамлакат шимоли-ғарбидаги 280 мингдан ортиқ одам учун махсус чекловларни эълон қилди.
Копенгаген мутация келажакдаги ҳар қандай вакцинанинг самарадорлигига таҳдид солиши мумкинлиги ҳақида жиддий огоҳлантирмоқда.
«Бугун кечадан бошлаб Ютланд шимолидаги еттита ҳудуддаги фуқаролар инфексия тарқалишининг олдини олиш учун ўз ҳудудида қолишга қатъиян даъват этилмоқда», деди Бош вазир Метте Фредериксен матбуот анжуманида.
Унинг сўзларига кўра, одамларга у ерга бормаслик буюрилган, бар ва ресторанлар ҳам ёпилади.
«Биз Шимолий Ютландда сиздан кўп нарсани талаб қилаётган бўлишимиз мумкин», деди Фредериксен, «аммо бу дунё келажаги учун зарур. Бутун дунё ҳозир бизни кузатмоқда».
Uzbek