Россиялик журналист, саҳнада ўртани олиб борувчи ва Россия президентлигига собиқ номзод Ксения Собчак Қрим кимга тегишли эканлиги ҳақида гапириб, шунингдек, замонавий Россия қандай етакчига муносиб тайёрлиги ҳақида ўз фикрлари билан ўртоқлашди. Бу ҳақда у «Радио НВ» учун «Личный код» («Шахсий код») дастурида гапириб ўтди.
Телебошловчининг сўзларига кўра, Қрим ярим оролини эгаллаб олиш орқали, Россия амалдаги халқаро шартномаларни бузган, дея қатъий фикрни билдирган.
«Россия халқаро шартномаларни бузган ва албатта бу ҳудуд қайтарилиши керак. Қандайдир референдум ўтказилиши керакдир. Албатта, кўриниб турганидек, бу жуда мураккаб масала, у ерда жуда кўплаб рус тилида сўзлашувчи аҳоли мавжуд », дейди Собчак.
Журналистнинг сўзларига кўра, замонавий Россия Федерацияси қария- президент ёки шоуменга тайёр эмас, чунки унинг фуқаролари патриархал давлатда яшамоқдалар ва бошларида «етакчи-подшоҳ” бўлишга ўрганиб қолганлар.
«Мен хурсанд бўлардим, лекин бу хаёлот оламидандир. Ҳатто демократик сайловларда ҳам уларда катта имконият бўларди. Ҳозирда Россия анчагина патриархал бўлгани учун, у ота президентни, подшоҳни қидирмоқда. Ҳатто мухолифатга назар ташласак ҳам, агар раҳбар авторитар, қаттиққўл бўлса, у ўз электоратини йиғишни бошлайди. Очиғини айтганда, бу даҳшатли », – дея хулоса қилди Собчак.
Собчак хоним Украина етакчиси Владимир Зеленскийни «Украина дўстлашиб яшашга тайёр бўлган “ажойиб ўғил-президент, бойфренд-президент » дея, қиёслаб таъриф бериб ўтди.
Uzbek