Хитой Коммунистик партияси Хитой халқининг манфаатларига зиддир

0
1900
Фото: topwar.ru

Eurasian Times нашрида Wall Street Journal газетасининг Пекиндаги собиқ мухбирининг бугунги АҚШ-Хитой муносабатлари ҳақидаги фикрлари келтирилган мақола чоп этилди.

Ушбу материал Хитой Коммунистик партияси «ярим асрдан кўпроқ вақт давомида, дунёда энг кекса якка партияли режим ҳисобланиб, бу борада фақат Шимолий Кореяга ён беради», деган эслатма билан бошланади.

Мақолада, ХХРдаги 1,5 миллиардли аҳоли ичида, таркибида 90 миллионга яқин одами бўлган ХКПни бутун бошқарувни, шу жумладан ядро қуролини назорат қилишни ўз ичига олганлиги ҳақида таъкидланади.

«Хитой демократияга ва эркин бозорга муқобил сифатида авторитар моделни илгари сургани учун таҳдидга айланди», деб ёзади ЕТ.

Ушбу материалда америкалик генерал МакМастернинг (АҚШ президентининг миллий хавфсизлик бўйича собиқ маслаҳатчиси) фикри келтирилади:

«Хитой Коммунистик партияси ички тизимини мустаҳкамлаган ҳолда, инсон озодлигини бўғиб, авторитар назоратни кенгайтирмоқда.»

Мақолада конгрессмен Браян Кеннедининг коронавирусни «катта урушдаги Хитойнинг яна бир қуроли» деган фикри келтирилади. У сиёсий ва иқтисодий дастакларни Пекин томонидан қўлланилаётган бошқа бир қурол деб атайди.

Худди шу нашрда Осиё-Америка муносабатлари марказининг катта илмий ходими Исаак Фишнинг баёноти келтирилган. Экспертнинг таъкидлашича, «Хитой Коммунистик партиясининг фаолияти нафақат АҚШ манфаатларига, балки жуда катта сонли хитойликларнинг манфаатларига ҳам зиддир». Жаноб Фиш ҳар бир Хитой фуқаросининг манфаатларини қаердан билиши аниқ эмас …

ЕТ таъкидлашича, оҳирги пайтларда Америка Қўшма Штатлари ўз инвестициялари ва компанияларини Хитой ҳудудидан чиқаришни бошлаган.

Яқинда «Военное обозрение» томонидан, Хитойда саноат фаолияти олиб боришдан воз кечишга тайёр бўлган АҚШ компаниялари ва бошқа компанияларни Ҳиндистон қабул қилишга тайёр эканлиги ҳақида хабар берилди. Бунинг учун улар инфратузилмалари (йўллар, электрлаштириш ва бошқалар) билан юзлаб гектар майдонларни тайёрлаб, ажратишга қарор қилишган.

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг