Украина президенти Владимир Зеленский томонидан билдирилган ва бир қатор Европа давлатлари томонидан қўллаб-қувватланган “Россия фуқаролари учун темир пардани тушириш” ғояси Вашингтонга тўғри келмади.
Давлат департаменти расмийси, тўлиқ визани тақиқламаслигини маълум қилди.
Зеленский 8 август куни, русларга Шенген визаларини беришни тўхтатиш ғояси билан чиққан эди. Россия Федерациясининг бутун аҳолиси уруш учун жавобгар эканлигини, боиси “улар ўзлари ҳукуматни танладилар ва унга қарши курашмаётганини” айтганди. Россияликлар “ўз фалсафасини ўзгартирмагунча ўз дунёсида яшаши керак”, деди Украина президенти.
Икки кундан сўнг, виза санкциялари бўйича таклиф Европа Иттифоқининг Прагада ўтказиладиган еттинчи чора-тадбирлар тўплами лойиҳасига киритилди.
Зеленскийнинг ғоясини Болтиқбўйи давлатлари, жумладан, Эстония қўллаб-қувватлади. Унинг бош вазири Кажа Каллас “Европага ташриф буюриш инсон ҳуқуқи эмас, имтиёздир” деган фикрни билдирди. Унга Финляндия Бош вазири Санна Марин ҳам қўшилди ва у Кремль уруш олиб бораётган бир пайтда русларга “оддий ҳаёт кечиришига” йўл қўймаслик керак деган ғоя билан чиқди.
Греция, Кипр, Португалия, Франция, Нидерландия ва Германия виза санкцияларига қарши чиқди. Германия канцлери Олаф Шольц ўтган ҳафта Шенген визасига муҳтож бўлиши мумкин бўлган оддий россияликларнинг ҳаётини мураккаблаштирмасликка чақирди.
Украинадаги уруш “рус халқининг уруши эмас, балки Путиннинг уруши”, деди у ва “кўп одамлар Россия режимига рози бўлмагани учун Россиядан қочиб кетмоқда” деб фикр билдирди.
МАНБА
Uzbek