Россияда уруш танқидлари кучайиб борар экан, Украина кучлари олдинга интилишда ва босиб олинган ҳудудни қайтариб олишда давом этмоқда. Мамлакат шимоли-шарқидаги янги озод қилинган шаҳарлар устида кўк-сариқ рангдаги Украина байроқлари ҳилпираб, Киев ўз қўшинлари 24 соат ичида 20 дан ортиқ аҳоли пунктларини озод қилганини даъво қилмоқда. Россия минтақадаги асосий таянчи Изиумдан воз кечаётганини тан олди.
Етти ой давом этган уруш кўринадиган даражада танқидий босқичга кирганида, рус қўшинлари Харьковдаги электр станциялари ва бошқа муҳим инфратузилмаларга ҳужум қилиб, шаҳар ва қишлоқлардаги минглаб одамларни зулматга ботирди.
Украина президенти Владимир Зеленский Москванинг тинч аҳолини «қасддан ва беадаб» нишонга олгани (бу айбловни Москва ҳар доим рад этади) террорчилик ҳаракати эканлигини айтди.
«Сиз ҳали ҳам бизни қўрқитиш, синдириш, ён беришга мажбур қилиш мумкин деб ўйлайсизми? Биз учун совуқ, очлик, қоронғулик ва ташналик сизнинг «дўстлигингиз» ва «биродарлигингиз» каби қўрқинчли ва ҳалокатли эмас,» дейди Зеленский.