Чавушоглу, Сурияда сиёсий низони муҳокама қилиш учун Москвага ташриф буюради
Анқара, Америка қўшинларини Суриядан чиқариб юборилиши, террористлари (РКК қаноти) манфаатларига хизмат қилмаслиги кераклигини аниқ равишда тушунтирди, дея баёнот берди Туркия ташқи ишлар вазири Мевлут Чавушоғлу. Бухақда Анадолу хабар бермоқда.
Унинг сўзларига кўра, Анқара ва Вашингтон қўшинларини олиб чиқмасдан олдин Суриянинг Мюнбичи бўйича йўл харитасини амалга оширилишини якунига етказиш юзасидан келишиб олишган.
«Америка томон Мюнбич бўйича келишувларининг амалга оширилиши кечикаётганлигини тан олади», – деди Чавушоғлу.
Турк дипломатияси раҳбари Анқаранинг, Фурот дарёсининг шарқий қисмида жойлашган Суриянинг террористик ҳудудларини тозалаш бўйича чоралар кўришга тайёрлигини таъкидлади.
Чавушоғлу, Туркия Президенти Ражаб Таййиб Эрдоғаннинг Сурия шарқида ҳарбий амалиёт бошланишига яқинлашиши ҳақидаги баёнотидан сўнг жиддий ўзгаришлар юз берганлигини эслатди.
АҚШ, хусусан, АҚШ қўшинларини Суриядан олиб чиқилишини эълон қилди.
Ташқи ишлар вазири, шунингдек, Анқара ва Вашингтон, Америка қўшинларини Суриядан олиб чиқиб кетишни мувофиқлаштириш мавзусида ишлаётганлигини билдирди.
«Бу масала Ташқи ишлар вазирлиги ва Туркия ва АҚШ мудофаа идоралари даражасида муҳокама қилинмоқда», деди Чавушоғлу.
Унинг сўзларига кўра, Анқара Суриядан Америка қўшинларини олиб чиқиш қароридан мамнун ва бу жараён PYD/YPG террорчиларининг манфаатларига хизмат қилмаслиги кераклигини аниқ тушунтириб ўтган.
Чавушоғлу, Туркиянинг Суриядаги ИШИД террорчиларини якка ўзи йўқ қилиши мумкинлигини таъкидлади.
Ташқи ишлар вазири, Сурияда сиёсий низоларни муҳокама қилиш учун Москвага ташриф буюришини билдирди.
Шунингдек, Туркия, ислом ҳамкорлик Ташкилоти (ИҲТ) билан алоқа гуруҳини 10 январь куни Истанбулда Яман бўйича йиғилишга чақирди.
Uzbek