Суриянинг шимолида «хавфсиз зона» яратиш мақсадида «Тинчлик булоғи» ҳарбий амалиётини олиб бораётган Туркия ҳукумати тинч аҳолига қарши тақиқланган қуроллардан фойдаланганликда айбланмоқда.
Курд раҳбарлари турклар Рас-ал-Айн шаҳрида тақиқланган қурол-яроғдан фойдаланаётгани хақида маълум қилди.
«Турк тажовузи Рас-ал-Айнга қарши мавжуд барча қуролларни ишга солди», деди курд маъмурияти. «Режаси аниқ амалга ошмагач эса, турклар фосфорли қуроллар каби тақиқланган усулларга ўтишмоқда».
Рас-ал-Айнга қилинган ҳужумлар БМТнинг кимёвий қуроллар бўйича инспекторлари, Кимёвий қуролларни тақиқлаш ташкилоти томонидан тафтиш қилинмоқда.
Ташкилот «айбловлар ҳали тасдиқланмаганлиги» ва инспекторлар вазиятни кузатаётганини маълум қилган.
Uzbek