Душанба куни Таиландда икки ойдан кўпроқ муддат давом этган комендатлик соати режими бекор қилинди ва мамлакатдаги ресторанларга алкоголли ичимликлар сотишга рухсат берилди.Ҳозирда Таиландда коронавирус билан бўглиқ вазият анча яхшиланди. Бу ерда 21 кундан бери аҳоли орасида вирусни юқтириб олган бирор киши ҳам аниқланмаган.
Коронавирус 70 миллион аҳолига эга Таиландга 13 январда кириб келган ва бу Хитойдан ташқаридаги COVID-19 билан боғлиқ дастлабки ҳолат эди. Таиланд коронавирусга қарши курашда бошқа мамлакатларга қараганда анча яхши натижа қайт этмоқда. Бу ерда ҳозиргача 3135 кишида коронавирус аниқланган холос ва уларнинг 2987 таси тузалган, 58 киши вафот этган.
Мутахассислар Таиланднинг вирусга қарши ҳаракатларини мақтовга сазовор эканлигини таъкидлашмоқда. Бу мамлакатда коронавирус кириб келганидан бери жамоат жойларида юз ниқобларидан фойдаланиш йўлга қўйилди, чегаралар ёпилди, кўплаб тадбиркорлик фаолияти вақтинча тўхатилди ва комендатлик соати жорий қилинди.
Таиландда 15 июндан бошлаб ўйин майдонлари, мактаблар, истироҳат боғлари ва кўргазма залларининг очилишига, концертлар ўтказишга, филмлар суратга олишга ҳамда спорт мусобақаларининг мухлисларсиз давом эттирилишига рухсат берилди. Аммо,қовоқхоналар, барлар ва караукилар ёпиқлигича қолади.
COVID-19 га қарши кураш учун тузилган ишчи гуруҳ маълумотларига кўра, Таиландда сўнгги уч ҳафтада қайд этилган янги касалланиш ҳолатларининг барчаси чет элдан келган ва карантинга олинган фуқаролар орасида аниқланган.
Uzbek