Хитойлик сармоядорлар Буюк Ипак йўли карвон-саройи глобал лойиҳаси доирасида Самарқандда сайёҳлик мажмуасини қуриш учун 200 миллион доллар ажратишни режалаштирмоқдалар. Бу ҳақида 31 октябрь куни Details.uz нашри Самарқанд вилояти ҳокимлигига таяниб хабар берди.
Туризм лойиҳасини амалга ошириш вилоят маъмурияти вакиллари ва Хитой делегацияси томонидан муҳокама қилинди. Хитойнинг Silkportel компаниясининг бош директори Ванг Сяоюннинг таъкидлашича, Ипак йўли карвонсаройи лойиҳаси Сиандан Римгача бўлган 100 га яқин йирик сайёҳлик мажмуаларини қуришни ўз ичига олади.
Uzbek