Шанба куни Россияда 12 846 кишининг CОVID-19 га чалингани хабар қилинди. Бу Россияда шу йилнинг бошида коронавирус пандемияси кириб келганидан бери қайд этилган кунлик энг юқори кўрсаткич ҳисобланади. Бундан олдинги кунлик рекорд жума куни қайд этилган бўлиб, ўшанда 12 126 кишига коронавирус ташхиси қўйилганди.
Айни пайтда Россияда коронавирусга чалинганларнинг умумий сони 1 285 084 кишини ташкил қилмоқда. Россия вирус тарқалиши бўйича дунёда АҚШ, Бразилия ва Ҳиндистондан кейинги тўртинчи ўринда турибди.
Россиядаги коронавирусга қарши кураш маркази ўтган 24 соат ичида мамлакатда яна 197 кишининг вирус қурбонига айланганини маълум қилган. Бу билан Россияда CОVID-19 дан вафот этганлар сони 22 454 кишига етди.
Uzbek