«Tourstat» сайёҳлик портали маълумотларига кўра, Қозоғистон 2019 йилнинг биринчи ярмида россиялик сайёҳлар энг кўп ташриф буюрган давлатлар рейтингида тўртинчи ўринни эгаллади.
Ҳисоботга кўра, Қозоғистонга 1,3 миллион сайёҳ ташриф буюрган, бу 2018 йилнинг шу даврига нисбатан 6,5 фоизга кўп. Биринчи ўринни 2,65 миллион турист билан Туркия, иккинчи ўринни Абхазия (1,8 миллион турист), учинчи ўринни Финляндия (1,6 миллион киши) ва бешинчи ўринни Хитой (1 миллион турист) эгаллади.
Аввалроқ хабар берилганидек, Қозоғистонда туризм соҳасини ривожлантириш бўйича давлат дастури республикани сайёҳлар учун энг жозибали 50 мамлакат қаторига киришга қаратилган.
Uzbek