Шанба куни Саудия Арабистони Ҳаж ва Умра Вазирлиги келгуси мавсумда Қатар зиёратчиларининг Ҳаж зиёратини адо этишда подшоҳликка кириши учун бир қатор чора-тадбирлар кўрганлигини, бироқ Қатар ҳукумати фуқароларининг Ҳажга боришга уринишларини тўхтатиб қўйганини маълум қилди. Бу хақда Arab News хабар бермоқда.
Вазирлик ва Қатарнинг делегацияси ўртасида бўлиб ўтган йиғилишда мамлакатдан подшоҳликка кирадиган зиёратчиларнинг оқими муҳокама қилинди. Хабарда айтилишича, Доҳадан келган делегация ўз фуқаролари учун ҳеч қандай келишув имзоламаган ҳолда чиқиб кетган.
Доҳанинг ҳаракатларига жавобан, подшоҳлик Саудия Арабистонига келган қатарлик зиёратчиларни мамнуният билан қабул қилди.
Вазирлик учрашув чоғида Қатардаги тегишли ҳукуматлар идораларига Ҳажга бориш учун зиёратчиларга подшоҳликка киришларига рухсат беришга чақирди ҳамда Саудия Арабистони Қатар аҳолисига диний маросимларни ўтказишга ёрдам беришга тайёр эканлигини айтди.
Вазирлик баёнотида Қатар расмийларининг Саудия Арабистони қатарлик зиёратчиларнинг йўлига тўсқинлик қилаётгани ҳақидаги даъволарини рад этиб, Қатар фуқаролари учун жойларни электрон тарзда банд қилиш имконини берувчи «бир нечта электрон порталларни» йўлга қўяётганлигини қўшимча қилди.
Бундан ташқари, вазирлик баёнотда Қатар томонидан иддао қилинаётган Ҳаж мавсумини сиёсийлаштиришга ҳаракат қилаётганини ҳам рад этди.
Uzbek