Сешанба куни Покистон ташқи ишлар вазири Бирлашган Миллатлар Ташкилотидан Ҳиндистоннинг Кашмирдаги ҳаракатларини текширишни талаб қилди. Покистон ҳукумати мусулмонлар кўпчиликни ташкил қилувчи бу ҳудудда геноцид содир этилаётган бўлиши мумкинлиги ҳақида огоҳлантирган.
«Ҳиндистон ишғол қилган Жамму ва Кашмир аҳолиси энг ёмон шароитларда ушлаб турилмоқда. Мен бу ўринда Ҳиндистон геноцидни амалга оширяпти, дейишдан қўрқаман, лекин бунга мажбурман», деди Шоҳ Маҳмуд Қуреши Женевада бўлиб ўтган Бирлашган Миллатлар Ташкилотининг Инсон ҳуқуқлари бўйича кенгашида.
Uzbek