Саудия расмийларидан Россия Федерациясидан ёрдам сўраб ҳеч қандай мурожаат келиб тушмаган. Бу ҳақда Россия Федерацияси Президентининг матбуот котиби Дмитрий Песков «Ведомости» газетаси журналистларига қиролликнинг нефт инфратузилмасига дрон ҳужуми ҳақидаги саволларига жавоб тариқасида маълум қилган.
«Улар (Саудия ҳукумати) ёрдамга муҳтожми ёки йўқми номаълум», – деди Кремль вакили. – Умуман олганда эҳтимоли кам».
Унинг сўзларига кўра, Саудия ҳукумати муаммони бартараф этиш учун аллақачон барча зарур имкониятларга эга.
Uzbek