Эрон ҳукуматига алоқадор бўлган хакерлар гуруҳи АҚШ президентлик кампаниясига қарши фаолият олиб борди, дея хабар қилди Microsoft компанияси.
Microsoft бу киберҳужумларни аҳамиятли эканлигини таъкидлаб, унда асосий эътибор АҚШнинг ҳозирги ва собиқ амалдорлари, глобал сиёсатни ёритувчи журналистлар ва Эрондан ташқарида яшовчи таниқли Эронликларга қаратилганини маълум қилди.
Августдан сентябргача бўлган 30 кунлик муддат ичида «Phosphorus» деб номланган гуруҳ махсус мижозларга тегишли бўлган электрон почта ҳисобларини аниқлаш учун 2700 дан ортиқ уринишларни амалга оширди ва кейин уларниг 241 тасига ҳужум қилди.
«Ушбу ҳаракат “Phosphorus” юқори иштиёқли эканлигини, шунингдек, тадқиқот ва бошқа маълумотларни йиғиш учун вақт ҳамда маблағ сарфлашга тайёрлигини англатади», дейилади Microsoft компанияси блогида.
Uzbek